Паўстанне Чырвоных павязак

Паўстанне Чырвоных павязак
Паўстанне Чырвоных павязак
Краіна	імперыя Юань;
Знаходзіцца ў адміністрацыйнай адзінцы	Правінцыя Цынхай;
Месцазнаходжанне	Янцзы;
Дата	1351
Дата пачатку	1351
Дата заканчэння	1368
	Медыяфайлы на Вікісховішчы

Паўстанне «Чырвоных павязак» 1351—1368, ці паўстанне «Чырвоных войск» 1351—1368 — паўстанне ў Кітаі, якое скінула панаванне мангольскай дынастыі Юань.

Уяўляла сабой некалькі паўстанняў, аб’яднаных агульнай назвай «паўстанне „Чырвоных павязак“» (па адзнацы паўстанцаў — чырвонай павязцы на галаве). У Паўночным Кітаі пачалося ў 1351 годзе пад кіраўніцтвам тайнай будысцкай арганізацыі Байляньцзяо (Секта белага лотаса) і ахапіла тэрыторыю да Карэі. Асноўнымі ўдзельнікамі былі сяляне, і паўстанне тут набыло антыфеадальны характар. У 1351 годзе пад кіраўніцтвам Байляньцзяо пачалося сялянскае паўстанне ў Цэнтральным Кітаі (у сярэднім цячэнні ракі Янцзы). У 1352 годзе новае паўстанне (удзельнічалі і кітайскія феадалы) ахапіла ніжняе цячэнне Янцзы.

У 1353—1356 гадах сярод іншых кіраўнікоў паўстанцкіх атрадаў вылучыўся Чжу Юаньчжан, які з 1356 года ўзначаліў увесь рух. У 1367—1368 гадах ён разбіў галоўныя сілы манголаў і ўзяў іх сталіцу Даду (Пекін); апошні мангольскі імператар Тагон-Тэмур уцёк у стэп. Дынастыя Юань была скінута, Чжу Юаньчжан у 1368 годзе абвясціў сябе першым імператарам новай кітайскай дынастыі Мін, пры якой зноў пачаўся працэс феадалізацыі.

Зноскі

Літаратура

«Чырвоных войск» паўстанне 1351—68 // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. С. 317.
Боровкова Л. А. Восстание «Красных войск» в Китае. М., 1971.